Նալբանդյանը` Արցախի ճանաչման մասին
![Նալբանդյանը` Արցախի ճանաչման մասին](https://hraparak.am/uploads/images/5f22b1c6a4bb50122d794f890b0d266a.jpg)
ՀՀ արտգործնախարար Էդվարդ Նալբանդյանն այսօր՝ մայիսի 9-ին, Հաղթանակի այգում լրագրողների հետ զրույցի ժամանակ անդրադարձավ Արցախի ճանաչման հարցին: Նա ասաց, որ երկու պատգամավորների ներկայացրած նախագծին ի պատասխան, իրենց տված ձևակերպման մեջ ասված էր, որ ԼՂՀ ճանաչումը կախված կլինի ՀՀ և ԼՂՀ միջև բանակցություններից, նաեւ՝ միջազգային հարթակում տեղի ունեցող զարգացումներից:
«Պետք է նկատի ունենանք, որ դրանք բավական նուրբ հարցեր են, և ինչ-որ քայլերով չէ, որ պիտի առաջնորդվենք»․ ասաց նա` նշելով, որ վախի հարց չկա այստեղ և իրենք ոչ մի բանից էլ չեն վախենում: Նա նաև նշեց, որ միջազգային հանրությունը կիսում է մեր կարծիքը, և մեր դիրքորոշումն էլ համահունչ է միջազգային հանրության դիրքորոշմանը:
«Դրա մասին էին խոսում հինգ հայտարարությունները եռանախագահող երկրների նախագահների, և դուք գիտեք, որ Ադրբեջանը մինչ այսօր խուսափում է որևէ հղում կատարելու այդ հինգ հայտարարություններին, որոնք միջազգային հանրության դիրքորոշումն են՝ Լեռնային Ղարաբաղի խնդրի կարգավորման վերաբերյալ»․ ասաց նա` հիշեցնելով, որ թե ԱՄՆ-ից, թե Ֆրանսիայից և թե Ռուսաստանից հնչեց, որ բանակցությունների գլխավոր հարցը նաև Արցախի ինքնորոշման հարցն է:
Այն դիտարկմանը, թե Ռուսաստանի ճնշման ներքո ԼՂՀ ճանաչման հարցը չհաստատվեց, Նալբանդյանն այսպես արձագանքեց. «Դա դատարկ խոսակցություն է»:
Վահե ՄԱԿԱՐՅԱՆ
Կարծիքներ