Սիրիայում հումանիտար օգնության ավտոշարասյանը հասցված օդային հարվածների պատասխանատուն Ռուսաստանն է. Սպիտակ տուն

ԱՄՆ նախագահի մամլո քարտուղար Ջոշ Էռնեստը հայտարարել է, որ Սօիտակ տունը Ռուսաստանին է պատասխանատու համարում Սիրիայում հումանիտար ավտոշարասյան ռմբակոծման հարցում, նույնիսկ եթե ռուսական օդուժը չէ անմիջական հարված հասցողը:

«Հումանիտար օգնությունը տեղ հասցնող աշխատակիցներըՍիրիայում ռազմական հարձակման զոհ դարձան: մենք համարում ենք, որ ավտոշարասյանը հասցված հարվածների համար պատասխանատու է Ռուսաստանը, որովհետև դրանք հասցվել են կամ ռուսական զինված ուժերի և կամ Սիրիայի կառավարական զորքերի կողմից, որոնց զսպելու գործը ևս վսահված է ռուսներին: Նրանք պետք է օգտագործեին իրենց ազդեցությունը Ասադի զորքերի վրա, ինչը չեն արել»,- ասել է Էռնեստը:

Նշենք, որ ՌԴ պաշտպանության նախարարությունը և ԱԳՆ-ն բազմիցս հայտարարել են, որ անցյալ շաբաթ այդ հարվածները հասցրել է ԱՄՆ գլխավորությամբ գործող միջազգային կոալիցիայի օդուժը: