Բիթքոյնը գնաճի ռեկորդ է սահմանել 

Բիթքոյն թվային արժույթը գրանցել է գնաճի ռեկորդ, գերազանցելով 2018 թվականի մայիսի իր ամենաբարձր գնանիշի ցուցանիշը։ Այս մասին հայտնում է CoinDesk-ը։ Մեկ միավոր թվային արժույթի գինը կազմել է 8,9 հազար դոլար։ Սակայն ժամեր անց արդեն գինը ընկել է եւ կազմել 8,7 հազար դոլար։ Նշենք, որ ներկայումս բիթքոյնի կապիտալիզացիան կազմում է 154,6 միլիարդ դոլար։ Գնաճ է արձանագրվել նաեւ մյուս թվային արժույթների մոտ։  

Հիշեցնենք, որ անցյալ տարվա դեկտեմբերին բիթքոյնը ունեցել էր իր պատմական գնանկումը՝ մեկ միավորի դիմաց հասնելով 3,2 հազար դոլարի։