Երաշտը հաղթահարելու համար արհեստական անձրեւ կառաջացնեն

Չինաստանի իշխանությունները մտադիր են առաջացնել արհեստական անձրեւ՝ քիմիկատների կիրառությամբ, որպեսզի փրկեն բերքը աննախադեպ երաշտից։ Նշենք, որ ընթացիկ տարվա ամառը Չինաստանում եղել է ամենաշոգն ու չորայինը վերջին 61 տարում։ Երաշտը հանգեցրել է ցանքատարածությունների «չորացմանը», բերքի «խեղճացմանը» եւ ջրամբարների դատարկմանը։

Չինաստանի Գյուղատնտեսության նախարար Տան Ժենծյանը հայտարարել է, որ առաջիկա 10 օրերի ընթացքում է որոշվելու, թե բրնձի բերքը երկրի հարավում որքանով կկարողանա դիմակայել երաշտին։ Իշխանությունները ներկայումս մշակում էին արտակարգ միջոցներ՝ հացահատիկեղենի աշնանային բերքի պահպանման համար, որը կազմում է Չինաստանի հացահատիկեղենի տարեկան բերքի 75 տոկոսը։