Սարսափում եմ, հանկարծ չկատարվի ամենաաղետալին. Նիկոլ չընտրողները շանսատակ անեն Նիկոլ ընտրողներին
Բանաստեղծ Հուսիկ Արան իր ֆեյսբուքյան էջում գրել է.
«Սարսափում եմ, հանկարծ չկատարվի ամենաաղետալին. Նիկոլ չընտրողները շանսատակ անեն Նիկոլ ընտրողներին: Չասեմ, թե այդ արհավիրքը մեր ինչը կլինի: Մեկմեկու կոկորդ կրծելով թշնամու ծրագրածն ենք ավարտին հասցնում: Վերջապես հասկանանք, թե ինչ ենք ուզում այս անտեր աշխարհից, մեր անտերությունից, մեր անկարողությունից: Մեր ներսո՞ւմ ենք, մեր մերձավո՞րը, թե՞ մեզնից դուրս ինչ-որ օտար մարմին, մեր անտարբերը: Կարելի՞ է հազարամյակներով այսքան ինքնակործան ու ինքդ քեզնից փախչող լինել: Ոչ մի անգամ չխնայես քո ներկան ու գալիքը, չբռնես ձեռքդ՝ կանգ առնելով աղետի եզրին, որ վաղվա օրվա մեջ շնչելու օդ ունենաս, գտնես քեզ, որ անվերջ օտարին կորուստ չդառնաս: Գոնե մեկ անգամ կանգնես և ասես՝ կարո՛ղ եմ, տե՛ր եմ»։
Կարծիքներ