82 զոհ, ձերբակալվածներ կան․ նոր տվյալներ՝ Մոսկովյան ահաբեկչությունից (լուսանկար)
Hraparak
23 Մարտ 2024 | 10:22
0
Ենթադրյալ հանցագործներ տեղափոխող մեքենան կանգնեցրել են ռուսական Տյոպլիյ գյուղի մոտ՝ Բելառուսի և Ուկրաինայի սահմանից մի քանի կիլոմետր հեռավորության վրա։
Նախնական տվյալներով՝ մեքենայում եղել է վեց մարդ, որոնցից երկուսին ձերբակալել են, եւս չորսը փախուստի է դիմել, հայտնում է glavny.tv-ն։
Ձերբակալվածները Տաջիկստանի քաղաքացիներ են։ Ըստ Baza-ի, ահաբեկչության 6 հեղինակներից 4-ի ինքնությունը պարզվել է․ դրանք են՝ Մահմադռասուլ Նասրեդդինովը՝ 37 տարեկան, Ռիվոժիդին Իսմոնովը՝ 51 տարեկան, Շոհինջոն Սաֆոլզոդան՝ 21 տարեկան և Ռուստամ Նազարովը՝ 29 տարեկան։
Այժմ նրանց քննում են անվտանգության աշխատակիցները՝ հասկանալու, թե ինչ առնչություն ունեն նրանք Մոսկվայի մարզում տեղի ունեցած ահաբեկչության հետ։
Եվս չորս հոգի այս պահին փնտրվում է։
Տաջիկստանի արտաքին գործերի նախարարությունը կեղծ է անվանել Մոսկվայի մարզում տեղի ունեցած ահաբեկչությանը հանրապետության քաղաքացիների մասնակցության մասին տեղեկատվությունը, փոխանցում է ՏԱՍՍ-ը։
Հիշեցնենք, որ մերձմոսկովյան Կրոկուսի համերգասրահում երեկ տեղի ունեցած ահաբեկչության հետևանքով զոհերի թիվը հասել է 82-ի, վիրավորների թիվը գերազանցում է մի քանի տասնյակը։
Կարծիքներ