Հայկական ֆուտբոլի համար կարող ենք պատմություն կերտել․ «Փյունիկի» մարզիչը՝ «Շերիֆի» դեմ այսօրվա խաղի մասին

Կարող ենք պատմություն կերտել հայկական ֆուտբոլի համար: Հասկանում ենք այդ պատասխանատվությունը, զգում դա: Ուզում ենք ուրախացնել մեր երկրպագուներին ու արդյունքի հասնել: Ունենք մոտիվացիա ու պատրաստվածություն: Կարծում եմ` պատրաստ ենք լուծել մեր առջև դրված խնդիրները: Դա մեր ուժերի սահմաններում է: Թիմերի շանսերը գնահատում եմ հավասար։ Այս մասին նախախաղային մամուլի ասուլիսի ժամանակ է նշել է Երևանի «Փյունիկի» գլխավոր մարզիչ Եղիշե Մելիքյանը։

«Շերիֆ»-«Փյունիկ»  դիմակայության առաջին հանդիպումը Երևանում, հիշեցնենք, ավարտվել էր 0-0 հաշվով։ Մոլդովայում պատասխան խաղը կայանալու է այսօր։

«Հստակ խնդիր ունենք՝ մեռնել կամ տանել մեր հաղթանակը: Մենք այդպես եք մոտիվացված:  Պայքար է լինելու հանուն ապագայի: Մեր տրամադրվածությունը այդպիսին է: Թիմը պատրաստ է թե տակտիկապես, թե հոգեբանորեն: Մենք արդեն շատ լավ ենք ճանաչում «Շերիֆին»»,- հավելել է նա։