Դե ֆակտո ստացվում է, որ իր պարտավորությունը չի կատարում նաև ՌԴ խաղաղապահ զորախումբը. Փաշինյան

Նիկոլ Փաշինյանն այսօր կառավարության նիստն սկսեց դարձյալ Լաչինի միջանցքի վերաբերյալ նախնական հայտարարությամբ` հիշեցնելով,որ նախորդ շաբաթվանից ի վեր Լաչինի միջանցքի շուրջ ստեղծված ճգնաժամը չի հանգուցալուծվել, և Ադրբեջանի կողմից Լաչինի միջանցքի ապօրինի շրջափակման հետևանքով Արցախում հումանիտար ճգնաժամը մնում է ծայրահեղ լարված:

Նա մանրամասն ներկայացրեց իրադրությունը Արցախում` մեղադրական սլաքներն ուղղելով նաև Ռուսաստանի և ռուս խաղաղապահ զորախմբի ուղղությամբ, որ չեն կատարում նոյեմբերի 9-ի փաստաթղթով ստանձնած իրենց պարտավորությունները:

«Դե ֆակտո ստացվում է, որ եռակողմ հայտարարությամբ արձանագրված պարտավորությունը, այն է` վերահսկողության տակ պահել Լաչինի միջանցքը, չի կատարում նաև ՌԴ խաղաղապահ զորախումբը: Իհարկե, նման բան տեղի է ունենում Ադրբեջանի ապօրինի գործողությունների հետևանքով, բայց սրանից իրավիճակը չի փոխվում, որովհետև ՌԴ խաղաղապահ զորախումբի ներկայության իմաստը հենց դա է` թույլ չտալ, որ նման ապօրինություն տեղի ունենա»,-ասաց Փաշինյանը:

Մանրամասն՝ տեսանյութում