Միջուկային գործարքի վերականգնումը համարել են միակ խելամիտ ճանապարհը 

Հեռախոսազրույց են ունեցել Ռուսաստանի ԱԳ նախարար Սերգեյ Լավրովն ու Իրանի ԱԳ նախարար Հոսեյն Ամիր Աբդոլահիանը։ Օրակարգում եղել է Միջուկային գործարքի համաձայնագիրը։

«Վերահաստատվել է, որ միակ ճիշտ ճանապարհը Միջուկային գործարքի վերականգնումն է, որը ի սկզբանե ամենից հավասարակշռված կոնֆիգուրացիան է պարունակում ներգրավված կողմերի շահերի եւ իրավունքների ապահովման առումով»,- ասված է ռուսական արտաքին քաղաքական գերատեսչության տարածած հայտարարության մեջ։

Երկու նախարարները նաեւ ճշգրտել են երկկողմ հարաբերություններին առնչվող հարցերի առնչությամբ ունեցած մոտեցումները, որոնք քննարկվել էին Մոսկվայում հոկտեմբերի վեցին տեղի ունեցած բանակցությունների ժամանակ։