ՊԵԿ-ը հույսը դրել է շոու բիզնեսի «աստղերի» ազնվության վրա՞

ՊԵԿ-ը հույսը դրել է շոու բիզնեսի «աստղերի» ազնվության վրա՞

ՊԵԿ նախագահ Դավիթ Անանյանն այսօր լրագրողների հետ զրույցում անդրադարձավ շոու բիզնեսի ներկայացուցիչներին հարկելու և նրանց եկամուտները հայտարարագրելու մասին ՊԵԿ մտադրությանն ու այսպես կոչված «աստղերի» մտահոգություններին, թե հարկվելուց հետո իրենք ի՞նչ կարգով են ստաժ ձեռք բերելու, ինչպես նաև այն, որ իրենք շատ հանգիստ կարող են թաքցնել իրենց եկամուտները։

Անանյանն ասաց, որ ինքը շատ հանգիստ է վերաբերում շոու բիզնեսի ներկայացուցիչների  այդ հայտարարություններին։ «Իհարկե, կարող են թաքցնել։ Մենք ի՞նչ ենք ասում, ասում ենք՝ դուք հայտարարագրեք ձեր եկամուտներն այնքան, ինչքան որ դուք ստանում եք։ Եթե իրենք միանգամից մտածում են՝ մենք չենք կարող դա վերահսկել, հա՝ չենք կարող, բայց դուք էլ չեք կարող իքններդ ձե՞զ վերահսկել։ Այսինքն՝ դուք անպայման մտածում եք, որ անպայման մի բան էն չե՞ք անելու։Եթե ուզում եք խաբել, խաբեք»,-ասաց Անանյանը։

Նա նշեց, որ իրենք իրենց վարչարարական գործիքների միջոցով փորձելու են ճշտել՝ արդյոք տվյալ անձը ճի՞շտ հայկտարարագիր է ներկայացրել, թե՞ ոչ։

Hraparak.am-ի դիտարկմանը, թե եթե հստակ չափանիշներ չկան, և, ասենք, տվյալ երգիչը 1 միլիոն է ստանում, բայց 200 հազարն է հայտարարագրում, դա ինչպե՞ս են վերահսկելու, Անանյանն ասաց․ «Հստակ չափանիշը գիտե՞ք որն է, ազնվությունը։ Եթե 1 միլիոն դրմա է ստացել, 1 միլոն դրամ պետք է հայտարարագրի։ Դրանից հստակ բա՞ն կա»։

«Իսկ երբվանի՞ց է պետությունը հույսը դնում քաղաքացիների ազնվության վրա։
«Չէ, ախր մի քիչ բան եք անում, հարգելի գործընկերներ։ Եկեք մի էսպիսի շատ հետաքրքիր բան ասենք։ Անընդհատ ասում ենք, որ պետք է մշակույթ ձևավորենք հարկեր վճարելու, մշակույթ ձևավորելու հիմքում պետք է լինի փոխադարձ վստահությունը։ Եթե հիմա մենք չենք ուզում փոխադարձ վստահության մթնոլորտ ձևավորենք, էդ ուրիշ բան։ Բայց հիմա մենք՝ որպես պետություն, որպես Պետեկամուտների կոմիտե, առաջարկում ենք փոխադարձ վստահություն ձևավորելու առաջին քայլը։ Իսկ եթե ոչ, ապա մենք մեր վարչարարական գործիքների ամբողջ ծավալով  մեր գործը կանենք։ Ու սա սպառնալիք չի»,ասաց պարոն Անանյանը։

Մեր հարցին՝ ինքը եբրևէ օգտվե՞լ է երգիչ-երգչուհիների ծառայություններից, որ հրավիրել է, վճարել, որ երգեն իր համար, ՊԵԿ նախագահն ասաց՝ ոչ, չի օգտվել։