Ամառանոցների գները Ռուսաստանում թանկացել են 12 տոկոսով

Ռուսաստանում ընթացիկ տարվա հուլիս ամսին բոլոր ութսունմեկ ռեգիոններում ամառանոցների գները թանկացել են միջինը 12,1 տոկոսով։ Այս մասին հայտնում է «Мир квартир» ֆեդերալ պորտալը։ Ըստ հաղորդման, Ռուսաստանում փոքրիկ հողամասի եւ կից առանձնատան համար վճարում են միջինը 1,9 միլիոն ռուբլի։ Նման գնով կարելի է ամառանոցներ գնել Չեչնիայում, Դաղստանում, ինչպես նաեւ՝ Մուրմանսկի եւ Սվերդլովսկի մարզերում։ 77 սուբյեկտներում, ըստ մասնագետների ամառանոցների գներն աճել են։

Հատկապես անշարժ գույքի գինը թանկացել է Կալուգայի մարզում՝ 23,6 տոկոս, Կալինինգրադի մարզում՝ 22,7 տոկոս, Ղրիմում՝ 21,8 տոկոս, Բաշկիրիայում, Ինգուշեթիայում, Սեւաստոպոլում։ Չուվաշիայում, Օրենբուրգի մարզում եւ Կուրգանսկի մարզում էլ ընդհակառակը նկատվել է անշարժ գույքի գնի նվազում 2,2-5,2 տոկոսի շրջանակում։ Ամենաթանկ ամառանոցները Մոսկվայում են, Մոսկվայի մարզում, Սանկտ Պետերբուրգում, Սեւաստոպոլում, Ղրիմում։