Ֆրանսիայում համազգային գործադուլ է
Հարյուր հազարավոր մարդիկ դուրս են եկել Ֆրանսիայի փողոցներ. երկրում արհմիությունների և քաղաքական ձախ ուժերի կոչով համազգային գործադուլ է տեղի ունենում կենսաթոշակային բարեփոխումների դեմ, հայտնում է Euronews-ը։
Մինչդեռ խորհրդարանական հատուկ հանձնաժողովը լարված մթնոլորտում քննարկում է կառավարության ներկայացրած փաստաթղթի նախագիծը, որը նախատեսում է կենսաթոշակային տարիքը 62-ից դարձնել 64 տարի։
Գործադուլին մասնակցում են տրանսպորտի, էներգետիկայի ոլորտի ձեռնարկությունների աշխատակիցները, փոստատարները, ուսուցիչները, կոմունալ ծառայությունների, պետական ծառայողները։ Հասարակության աջակցությունը բողոքի ակցիաներին աճում է. սոցհարցումների համաձայն՝ Ֆրանսիայի բնակիչների 76%-ն արդեն դեմ է բարեփոխումներին։
Կարծիքներ