Ադրբեջանից բռնագաղթված անձի կողմից զբաղեցված բնակելի տարածքը սեփականաշնորհելու մասին որոշում ընդունվեց

1988-1992 թվականներին Ադրբեջանից բռնագաղթված և ՀՀ քաղաքացիություն ստացած անձի կողմից զբաղեցված բնակելի տարածքը սեփականաշնորհելու մասին որոշում ընդունվեց կառավարության այսօրվա նիստում:

Որոշման հիմնավորման մեջ նշվում է, որ ՀՀ ՏԿԵՆ պետական գույքի կառավարման կոմիտեին ամրացված` ՀՀ Կոտայքի մարզի Աբովյան քաղաքի Ուսանողական 4/1 շենքի /էներգետիկական քոլեջի/, Աբովյան քաղաքի Ուանողական 4 շենք /Ճարտարագիտական քոլեջի/, Երևան քաղաքի Մոլդովական փողոցի 29/1 հանրակացարաններ հասցեների Ադրբեջանից բռնագաղթված և ՀՀ քաղաքացիություն ստացած քաղաքացիները դիմում են ներկայացրել Կոմիտե, որով խնդրել են իրենց կողմից զբաղեցրած բնակելի տարածքները սեփականության իրավունքով տրամադրել իրենց ընտանիքներին:

Ներկայումս Կոմիտեի տնօրինության տակ գտնվող տարածքների ճշգրտման աշխատանքների իրականացման արդյունքում հնարավոր են մակերեսների տարբերություններ, և նախագծի հավելվածի ցանկով նշված, Կոմիտեի ենթակայության՝ ՀՀ կոտայքի մարզի Աբովյան քաղաքի Ուսանողական 4/1 շենքի /էներգետիկական քոլեջի/, ՀՀ Կոտայսի մարզի Աբովյան քաղաքի Ոսանողական 4 շենք /Ճարտարագիտական քոլեջի/, Երևան քաղաքի Մոլդովական փողոցի 29/1հանրակացարանների նշված սենյակներում բնակվող քաղաքացիների հետ պայմանագիր կնքելիս առաջարկվում է նախագծում ներառել դրույթ՝ պայմանագիր կնքելիս հիմք ընդունել սահմանված կարգով գրանցում ստացած վկայականի հատակագծի մակերեսը՝ մինչև 3% թույլատրելի շեղումով։