Զարմացած էի, երբ հայկական ակումբներում ազգությամբ հայ ֆուտբոլիստներ չէին խաղում․ Կապառոս
Լավ կլիներ, որ հայկական ակումբներում շատ ավելի մեծ թվով հայ ֆուտբոլիստներ խաղան: Եթե մեր ազգային առաջնությունում ավելի մեծ թվով հայեր խաղան, դրանից կշահի մեր ազգային հավաքականը։ Այս մասին հրավիրած օնլայն մամուլի ասուլիսի ժամանակ նշել է Հայաստանի ազգային հավաքականի գլխավոր մարզիչ Խոակին Կապառոսը։
Նա նշել է, որ զարմացել է, երբ առաջին անգամ տեսել է, թե ինչ է կատարվում հայկական ակումբների կազմերում։
«Ակեղծ լինելով կասեմ, որ շատ զարմացած էի, որ Հայաստանի առաջնությունում եղան խաղեր, երբ թիմերի կազմերում ոչ մի հայ ֆուտբոլիստ դաշտ դուրս չեկավ: Այս ամենը խանգարում է մեր երիտասարդ ու պատանի ֆուտբոլիստներին, ովքեր կրթություն են ստանում մանկապատանեկան դպրոցներում, սակայն շանս չեն ունենում իրենց դրսևորելու»,- ասել է Խոակին Կապառոսը:
Նշենք, որ երեկ Հայաստանի ֆուտբոլի ֆեդերացիայի գործկոմը նոր որոշ ընդունեց, ըստ որի այսուհետ Բարձրագույն խմբի շրջանակներում հանդես եկող ֆուտբոլային ակումբների հայտացուցակներում ընդգրկված 23 ֆուտբոլիստներից 9-ը պետք է լինեն Հայաստանում մարզված։
Կարծիքներ