2021թ.-ին դատավորների նկատմամբ գրեթե կրկնակի ավելի կարգապահական վարույթներ են հարուցվել
![2021թ.-ին դատավորների նկատմամբ գրեթե կրկնակի ավելի կարգապահական վարույթներ են հարուցվել](https://hraparak.am/uploads/images/image_750x_61e90d6f66704.jpg)
2021 թվականին դատավորների նկատմամբ գրեթե կրկնակի ավելի կարգապահական վարույթներ են հարուցվել 2020-ի համեմատությամբ
2021 թվականի ընթացքում ընդհանուր առմամբ հարուցվել է թվով 28 կարգպահական վարույթ, որոնցից 25-ը՝ դատավորների նկատմամբ, իսկ 3-ը՝ ԲԴԽ անդամների նկատմամբ:
Կարգապահական վարույթ նախաձեռնելու իրավասություն ունեցող մարմինները հարուցել են հետևյալ քանակությամբ վարույթներ․ Արդարադատության նախարարություն՝ 18, ՀՀ դատավորների ընդհանուր ժողովի էթիկայի և կարգապահական հարցերի հանձնաժողով՝ 6, Կոռուպցիայի կանխարգելման հանձնաժողով՝ 4։
Համեմատության համար նշենք, որ 2020 թվականի ընթացքում հարուցվել է ընդհանուր առմամբ 15 կարգապահական վարույթ, այսինքն՝ 2021 թվականին հարուցվել են գրեթե կրկնակի ավելի շատ վարույթներ, քան 2020 թվականին:
«Իրավունքի ուժ» հասարակական կազմակերպության կողմից իրականացված 2021 թվականին հարուցված վարույթների քանակական և բովանդակային վերլուծությանը կարող եք ծանոթանալ այստեղ։ Քանակական վերլուծության վերաբերյալ ամփոփ տեղեկատվությունը հասանելի է նաև կարճ տեսանյութում։
Հարգանքով,
Արման Ղարիբյան
«Իրավունքի ուժ» հասարակական կազմակերպության համահիմնադիր
Կարծիքներ