Մի՛ այցելեք Իրան․ Ադրբեջանի ԱԳՆ-ն՝ իր քաղաքացիներին

Ադրբեջանի ԱԳՆ-ն կոչ է արել իր քաղաքացիներին առանց հրատապ անհրաժեշտության չայցելել Իրան։

«Հաշվի առնելով այս տարվա հունվարին Իրանում Ադրբեջանի դեսպանատան դեմ իրականացված ահաբեկչությունը, որի արդյունքում Իրանում Ադրբեջանի դիվանագիտական ​​ներկայացուցչության գործունեությունը սահմանափակվեց, Ադրբեջանի քաղաքացիներին խստիվ խորհուրդ է տրվում անհարկի չայցելել Իրան, իսկ այս երկիր մուտք գործողներին՝ լինել զգոն»,-ասված է հայտարարության մեջ։

Գերատեսչությունից նշել են, որ Իրանում գտնվող Ադրբեջանի քաղաքացիներից պահանջվում է պահպանել անվտանգության կանոնները։

Իրանում Ադրբեջանի քաղաքացիների հյուպատոսական և այլ դիմումների համար Ադրբեջանի ԱԳՆ-ն ուղղորդել է կապ հաստատել Թավրիզում Ադրբեջանի գլխավոր հյուպատոսության հետ։