Հայտնի է դանակահարողի ինքնությունը
Երեւանի փոխքաղաքապետ Տիգրան Ավինյանն այսօր տեղեկացրել է, որ երեկ գիշեր արտակարգ դեպք է տեղի ունեցել Երևան Ավան-Առինջ թաղամասում: ԵԱՍՄ՝ Երեւանի աղբահանության եւ սանիտարական մաքրման համայնքային հիմնարկի երկու աշխատակից դանակահարվել է իրենց աշխատանքը կատարելիս:
Ոստիկանությունից «Հրապարակի» հետ զրույցում նշեցին, որ աշխատակիցներն այս պահին գտնվում են «Սուրբ Գրիգոր Լուսավորիչ» բժշկական կենտրոնում:
Ոստիկանությունից մեզ հետ զրույցում հայտնեցին, որ դանակահարողի ինքնությունը հայտնի է, սակայն ենթադրյալ հանցագործը դեռևս ձերբակալված չէ:
Թե ինչ հանգամանքներում և ինչ պատճառով է տեղի ունեցել դեպքը, ոստիկանությունից մեզ ասացին, որ մանրամասները դեռևս պարզ չեն, գործն ուղարկվել է նախաքննական մարմին:
Կարծիքներ