Անգամ հասարակ քաղաքացուն կլսեմ, եթե իր խորհուրդը կնպաստի քաղաքի զարգացմանը. Հրազդանի քաղաքապետ
Հրազդանի նորընտիր քաղաքապետ Սեւակ Միքայելյանը տասը օր է՝ ինչ պաշտոնավարում է: Այս օրերի ընթացքում երիտասարդ քաղաքապետին հրազդանցիները ավելի շատ տեսնում են քաղաքի թաղամասերում բնակիչների հետ շփվելիս, քան՝ քաղաքապետարանում: Սեւակ Միքայելյանը մեզ հետ զրույցում նշեց, որ չի պատրաստվում աշխատասենյակում որեւէ փոփոխություն անել, դա իր համար այնքան էլ էական չէ: Նա վստահեցրեց, որ փոփոխություններ կատարելու է քաղաքում, եւ կարճ ժամանակի ընթացքում հրազդանցին այն կտեսնի. «Քաղաքի խնդիրներին ծանոթացել եմ քարոզարշավիս, նաեւ շնորհակալական քայլերթի ժամանակ: Չկա մի թաղամաս, որ խնդիր չունենա: Ցավոք, այս պահին համայնքի բյուջեն դատարկ է, քաղաքապետարանը պարտքեր ունի. 160 մլն. դրամ պարտքով բյուջեն ընդունել ենք: Համաշխարհային բանկի վարկային ծրագրով քաղաքապետարանի շենքի ջեռուցման համակարգի եւ երկու մանկապարտեզների վերանորոգման գումարը դեռ 2016թ-ից կազմում է 268 մլն. դրամ: Պարտքեր ունենք նաեւ մանկապարտեզներին սնունդ մատակարարող ընկերություններին՝ 42 մլն. դրամ, անգամ 2014 թ.-ից կուտակված պարտքեր կան:
**- Առաջին խորհրդակցության ժամանակ համատիրության նախագահներին նկատողություն եք տվել: Ինչո՞ւմ են թերացել, եւ ի՞նչ բողոքներ եք ստացել քաղաքացիներից:**
-Թաղամասեր կան, որ դիտահորերի կափարիչ չունեն, շենքերի բակերը մաքուր չեն, մուտքերին դռներ չկան: Նմանատիպ խնդիրներ կան, որոնք համատիրությունների նախագահները անուշադրության են մատնել: Նրանց հրավիրել եմ խորհրդակցության եւ հստակ հանձնարարականներ տվել: Մեկ շաբաթից պետք է ներկայացնեն արդյունքները, թե քաղաքի որ թաղամասում ինչ աշխատանքներ են կատարել:
**-Ինչ-որ հարցերում խորհրդակցո՞ւմ եք Ձեր հայրիկի հետ:**
-Այո, հաշվի առնելով այն, որ հայրս կառավարման փորձ ունի` ի նպաստ քաղաքի զարգացման որոշ հարցերում, խորհրդակցում եմ հայրիկիս հետ:
**-Կադրային ի՞նչ փոփոխություններ եք պատրաստվում անել:**
-Այս պահին չեմ կարող ասել, բայց կադրային ջարդ ասվածը չի լինի: Ես ինձ շրջապատելու եմ մասնագետներով, սրտացավ մարդկանցով, որպեսզի թիմային աշխատանքով քաղաքի տեսքը վերականգնենք ու հրազդանցուն ժպիտ պարգեւենք:
**-Ովքե՞ր են Ձեզ խորհուրդներ տալիս:**
-Հստակ հասկանում եմ, թե որ ոլորտում ինչպես պետք է աշխատեմ: Ունեմ նաեւ խորհրդականներ, որոնք նույնպես իրենց աշխատանքով օգնում են: Ես անգամ հասարակ քաղաքացուն կլսեմ, եթե իր խորհուրդը կնպաստի քաղաքի զարգացմանը:
**-Ջրառատ թաղամասում հանդիպել եք բնակիչների հետ եւ խոստացել եք գազաֆիկացնել այդ թաղամասը: Աշխատանքներն ի՞նչ փուլում են:**
Հենց այս պահին աշխատանքներն ընթանում են, շուտով գազաֆիկացումը կավարտվի: Երկար տարիներ այդ թաղամասում գազ չի եղել: Կան բնակիչներ, որ Ջրառատում գազ չլինելու պատճառով վարձով բնակություն են հաստատել Հրազդանի մեկ այլ թաղամասում: Երբ գազաֆիկացումը ավարտվի, այդ բնակիչները կվերադառնան իրենց բնակարաններ: Նշեմ, որ գազաֆիկացումը իմ նախաձեռնությամբ է կատարվում, եւ ոչ մի լումա քաղաքապետարանի բյուջեից չի ծախսվել: Այնտեղ անցկացվում է երկու հազար մետր երկարությամբ գազատար խողովակ:
**-Դուք նաեւ ՔՊ կուսակցության Հրազդանի կառույցի ղեկավարն եք: Այս ընթացքում որքա՞ն քաղաքացիներ են համալրել կուսակցության շարքերը:**
-Հարյուրավոր
-**Եղե՞լ են այնպիսիք, որ ՀՀԿ-ի կուսակցական տոմսը վայր են դրել եւ անդամակցել ձեր կուսակցությանը:**
-Ոչ, մեզ մոտ ՀՀԿ-ից որեւէ մեկը չկա:
**Նելլի Կարապետյան**
**- Առաջին խորհրդակցության ժամանակ համատիրության նախագահներին նկատողություն եք տվել: Ինչո՞ւմ են թերացել, եւ ի՞նչ բողոքներ եք ստացել քաղաքացիներից:**
-Թաղամասեր կան, որ դիտահորերի կափարիչ չունեն, շենքերի բակերը մաքուր չեն, մուտքերին դռներ չկան: Նմանատիպ խնդիրներ կան, որոնք համատիրությունների նախագահները անուշադրության են մատնել: Նրանց հրավիրել եմ խորհրդակցության եւ հստակ հանձնարարականներ տվել: Մեկ շաբաթից պետք է ներկայացնեն արդյունքները, թե քաղաքի որ թաղամասում ինչ աշխատանքներ են կատարել:
**-Ինչ-որ հարցերում խորհրդակցո՞ւմ եք Ձեր հայրիկի հետ:**
-Այո, հաշվի առնելով այն, որ հայրս կառավարման փորձ ունի` ի նպաստ քաղաքի զարգացման որոշ հարցերում, խորհրդակցում եմ հայրիկիս հետ:
**-Կադրային ի՞նչ փոփոխություններ եք պատրաստվում անել:**
-Այս պահին չեմ կարող ասել, բայց կադրային ջարդ ասվածը չի լինի: Ես ինձ շրջապատելու եմ մասնագետներով, սրտացավ մարդկանցով, որպեսզի թիմային աշխատանքով քաղաքի տեսքը վերականգնենք ու հրազդանցուն ժպիտ պարգեւենք:
**-Ովքե՞ր են Ձեզ խորհուրդներ տալիս:**
-Հստակ հասկանում եմ, թե որ ոլորտում ինչպես պետք է աշխատեմ: Ունեմ նաեւ խորհրդականներ, որոնք նույնպես իրենց աշխատանքով օգնում են: Ես անգամ հասարակ քաղաքացուն կլսեմ, եթե իր խորհուրդը կնպաստի քաղաքի զարգացմանը:
**-Ջրառատ թաղամասում հանդիպել եք բնակիչների հետ եւ խոստացել եք գազաֆիկացնել այդ թաղամասը: Աշխատանքներն ի՞նչ փուլում են:**
Հենց այս պահին աշխատանքներն ընթանում են, շուտով գազաֆիկացումը կավարտվի: Երկար տարիներ այդ թաղամասում գազ չի եղել: Կան բնակիչներ, որ Ջրառատում գազ չլինելու պատճառով վարձով բնակություն են հաստատել Հրազդանի մեկ այլ թաղամասում: Երբ գազաֆիկացումը ավարտվի, այդ բնակիչները կվերադառնան իրենց բնակարաններ: Նշեմ, որ գազաֆիկացումը իմ նախաձեռնությամբ է կատարվում, եւ ոչ մի լումա քաղաքապետարանի բյուջեից չի ծախսվել: Այնտեղ անցկացվում է երկու հազար մետր երկարությամբ գազատար խողովակ:
**-Դուք նաեւ ՔՊ կուսակցության Հրազդանի կառույցի ղեկավարն եք: Այս ընթացքում որքա՞ն քաղաքացիներ են համալրել կուսակցության շարքերը:**
-Հարյուրավոր
-**Եղե՞լ են այնպիսիք, որ ՀՀԿ-ի կուսակցական տոմսը վայր են դրել եւ անդամակցել ձեր կուսակցությանը:**
-Ոչ, մեզ մոտ ՀՀԿ-ից որեւէ մեկը չկա:
**Նելլի Կարապետյան**
Կարծիքներ