Քանյե Ուեսթը չի դադարում զարմացնել

Ամերիկացի ռեփեր Քանյե Ուեսթը չի դադարում զարմացնել ինչպես իր երկրպագուներին, այնպես էլ հասարակությանը։ Հայազգի ռեալիթի շոուների թագուհի Քիմ Քարդաշյանի ամուսինը յուօրինակ ժեստ է արել՝ Ուգանդայի նախագահ Յովերի Մուսեվենիին՝ սպիտակ սպորտային կոշիկներ նվիրելով։



Նվերը ռեփերը մատուցել է Ուգանդայի նախագահի հետ հանդիպման ժամանակ։ Հանդիպմանը ներկա է եղել նաեւ Քիմ Քարդաշյանը։ Այս մասին հաղորդում է [Sky News](https://news.sky.com/story/kanye-west-gives-ugandan-leader-pair-of-trainers-on-trip-to-east-african-country-11526780)-ը։ Իր հերթին Մուսեվենին աստղային զույգին կնքել է աֆրիկյան անուններով։ Եվ այսպես, Աֆրիկայում Քանյեյին կասեն արդեն Կանյեսիգի, իսկ Քիմին՝ Կեմինգիշա։ Հիշեցնենք, որ Քիմն ու Քանյեն Ուգանդա են մեկնել այդ երկրի տուրիզմը զարգացնելու համար։