Միացյալ Նահանգները Սիրիայում սահմանային անվտանգության ուժեր ստեղծելու մտադրություն չունի. Ռեքս Թիլերսոն
ԱՄՆ Պետքարտուղար Ռեքս Թիլերսոնը հայտարարել է, որ իր երկիրը մտադրություն չունի ստեղծելու սահմանային անվտանգության հատուկ ուժեր Սիրիայում: Այս մասին հայտնում է Reuters լրատվական գործակալությունը: «Ամենայն հավանականությամբ, պարզապես ճիշտ չի ներկայացվել իրադրությունը եւ որոշ մարդիկ էլ սխալ հայտարարություններ հնչեցրեցին: Մենք առհասարակ մտադրություն չունենք սահմանապահ անվտանգության ուժեր Սիրիայում», — հայտարարել է ԱՄՆ Պետքարտուղարը: Ավելի վաղ Պենտագոնը հերքել էր լուրերն այն մասին, թե Սիրիայում ԱՄՆ-ն ստեղծում է սահմանային անվտանգության ուժեր, ինչի մասին այս օրերին ակտիվորեն քննարկումներ են ընթանում միջազգային մամուլի էջերում:
Կարծիքներ