Վտանգի դեմն առնելու համար վտանգի պահի՞ն են մտածում․․․

«Խոսրովի անտառ» պետական արգելոցը եւ Կովկասյան կենսաբազմազանության ապաստարանն այրվում են, ինչի հետեւանքով շուրջ 35 հազար հեկտար պահպանվող տարածք կարող է ամբողջությամբ վերանալ։

FPWC-ը (Վայրի Բնության պահպանության եւ մշակութային արժեքների պահպանման հիմնադրամը) կոչ է անում բնապահպանական հանրությանն օգնել դիմակայել այս մարտահրավերին։

«Շտապ կարիք կա հրշեջ սարքավորումների՝ տրանսպորտային միջոցներ, պոմպեր, գործիքներ եւ հանդերձանք։ Կարող եք օգնել նաեւ ֆինանսապես։ Բոլոր նվիրաբերությունները կուղղորդվեն անհրաժեշտ սարքավորումների ձեռքբերմանը»:

Գագիկ Սուրենյանն էլ իրազեկում է․

Gagik Surenyan
ՀՀ ԱԻ նախարար Դավիթ Տոնոյանը դիմել է ՌԴ ԱԻ նախարար Վլադիմիր Պուչկովին՝ տրամադրելու հրդեհաշիջման աշխատանքներ իրականացնող ինքնաթիռ՝ «Խոսրովի անտառ» պետական արգելոցում բռնկված հրդեհի մարման աշխատանքներին աջակցելու համար:
Ներկայումս նախապատրաստական աշխատանքներ են տարվում ինքնաթիռը Հայաստան բերելու ուղղությամբ:

Ակամայից մտածում ես՝ Հայաստանում դեպքը լինելուց հետո՞ են մտածում անհրաժեշտ սարքավորումներ ձեռք բերելու մասին։ Անտառը այրվում է, դուք նո՞ր եք նվիրաբերություն խնդրում։ Վտանգի դեմն առնելու համար վտանգի պահի՞ն են մտածում․․․