Ռոբերտ Նազարյանին կալանավորելու միջնորդության վերաբերյալ որոշումը կհրապարակվի այսօր
Գրել էինք, որ Երեւանի նախկին քաղաքապետ, Հանրային ծառայությունները կարգավորող հանձնաժողովի նախկին նախագահ Ռոբերտ Նազարյանին մեղադրանք է առաջադրվել ՀՀ ՔՕ 308-րդ հոդվածի 2-րդ մասով (Պաշտոնեական լիազորությունները չարաշահելը, որն անզգուշությամբ առաջացրել է ծանր հետեւանքներ)։ Ռոբերտ Նազարյանին կալանավորելու վերաբերյալ միջնորդության գործով դատարանը գնացել է խորհրդակցական սենյակ, որոշումը կհրապարկվի այսօր: Այս մասին այսօր` օգոստոսի 8-ին, լրատվամիջոցների ներկայացուցիչների հետ զրույցում ասաց Ռոբերտ Նազարյանի պաշտպան Գ. Խաչիկյանը:
Հիշեցնենք նաև, որ ըստ ՀՔԾ հաղորդագրության՝ Ռոբերտ Նազարյանը ձերբակալվել է պաշտոնեական լիազորությունները չարաշահելու կասկածանքով։ Փաստական տվյալներ են ձեռք բերվել, որ Նազարյանն առանձին տնտեսվարող սուբյեկտի համար արտոնություններ սահմանելու անձնական շահագրգռվածությունից եւ խմբային շահերից ելնելով՝ 2011 թվականի ընթացքում չարաշահել է իր պաշտոնեական լիազորությունները, որն անզգուշությամբ առաջացրել է ծանր հետեւանքներ:
Կարծիքներ