Գնչուները շրջափակել են Բորդոյի կամուրջը

Ֆրանսիական Բորդո քաղաքի արվարձանում կիրակի մոտ 250 գնչուներ, բողոքելով իրենց ճամբարները ոչնչացնելու կառավարության որոշման դեմ, շրջափակել են ավտոմեքենաների երթևեկության համար նախատեսված կամուրջը։ Այս մասին հայտնում է BBC–ն։



Որպես բարիկադներ՝ ցուցարարներն օգտագործել են սեփական կցասայլերը։ Բողոքի ակցիայի հետևանքով ճանապարհի վրա 5կմ երկարությամբ խցանում է գոյացել։



Հիշեցնենք, որ օրերս Ֆրանսիայի նախագահ Նիկոլա Սարկոզին հրաման ստորագրեց, որի համաձայն՝ պետք է քանդվեն գնչուների ապօրինի բնակավայրերը երկրի տարածքում։



tert.am