Շտապողը տղա չի ունենում
Դեռեւս շաբաթներ առաջ ՀՀ նախագահ Սերժ Սարգսյանի անմիջական մասնակցությամբ Սպիտակ քաղաքում բնակարանամուտ տոնեցին: Աղետի հետեւանքով անօթեւան մնացածների համար կառուցված նորակառույց 220 բնակարաններից 165-ի բանալիները տվեցին տերերին, մնացածը բաշխվելու է առաջիկայում։ Սպիտակի փոխքաղաքապետ Անահիտ Գյուլազյանը մեզ հետ զրույցում ասաց. «Դեռեւս Սպիտակ քաղաքում կառուցման ենթակա են 1 սենյականոց բնակարաններ, որը նախատեսված է կառուցել 2011-ին, սեփական բնակֆոնդը ընդհանրապես չի փոխհատուցվել, նրանց փոխհատուցումը եղել է խնայբանկի գրքույկների ձեւով, որն էլ հայտնի է, թե հետո ինչ եղավ»։
Ըստ նրա՝ Սպիտակում ներկայումս հաշվառված են 560-700 ընտանիքներ, որոնք դեռեւս չեն փոխհատուցվել: Սպիտակ քաղաքում բնակարանաշինություն 2009, 2010 թվականներին իրականացրել է «Գլենդել Հիլզ» շինարարական կազմակերպությունը: Հիշեցնենք, որ Գյումրիում «Մուշ 2» թաղամասի շինարարությունը եւս կատարել էր «Գլենդել Հիլզը»։
Բնակարանամուտից հազիվ մի քանի շաբաթ է անցել, սակայն նորակառույցի տերերն արդեն դժգոհություններ ունեն: Բնակիչների մի մասը բողոքում է, որ պատերին արդեն ճաքեր են հայտնվել, ուրիշներն ասում են, որ ջրագիծն է վնասված, երրորդներն էլ, թե՝ տան դուռն է թարս տեղադրվել։ Սակայն իրենց խնդիրների մասին խոսում են մի պայմանով՝ «կամ չենք խոսում, կամ խոսում ենք անանուն»։ Վախենում են, որ հնարավոր է կորցնեն 22 տարի անց ստացած բնակարանները։ Ճաքեր կան, բայց «դոմիկից հո լավ ա»։ Աշխղեկի խոսքով` «եթե հազարն էլ շահագործեինք, հազարում էլ կլինեին ճաքեր, որպեսզի ճաքեր չլինեին, չպետք է շտապեցնեին, իսկ մեզ շտապեցրել են եւ խնդրել աշխատել սեղմ ժամկետներում»։
Սպիտակի փոխքաղաքապետ Անահիտ Գյուլազյանը խնդրին տեղյակ է, բայց կարծում է, որ Սպիտակում, ի տարբերություն Գյումրիի, կազմակերպությունն աշխատել է առավել բարեխիղճ. «Նկատելի թերություններ չկան, մեկում, օրինակ, գազի պլիտայի կափույրներն էին հանված, որը վերականգնվել է, մի տան մեջ ջուր չկա, դա էլ խոստացել են 3 օրվա մեջ կարգավորել, մի տանն էլ դուռն էր թարս տեղադրված, դա էլ կարգավորվեց»։ «Գլենդել Հիլզն» ունի աշխատանքային խումբ, որին նման իրավիճակներում դիմում են բնակիչները, եւ դրանք արագ վերացվում են։
Ըստ նրա՝ Սպիտակում ներկայումս հաշվառված են 560-700 ընտանիքներ, որոնք դեռեւս չեն փոխհատուցվել: Սպիտակ քաղաքում բնակարանաշինություն 2009, 2010 թվականներին իրականացրել է «Գլենդել Հիլզ» շինարարական կազմակերպությունը: Հիշեցնենք, որ Գյումրիում «Մուշ 2» թաղամասի շինարարությունը եւս կատարել էր «Գլենդել Հիլզը»։
Բնակարանամուտից հազիվ մի քանի շաբաթ է անցել, սակայն նորակառույցի տերերն արդեն դժգոհություններ ունեն: Բնակիչների մի մասը բողոքում է, որ պատերին արդեն ճաքեր են հայտնվել, ուրիշներն ասում են, որ ջրագիծն է վնասված, երրորդներն էլ, թե՝ տան դուռն է թարս տեղադրվել։ Սակայն իրենց խնդիրների մասին խոսում են մի պայմանով՝ «կամ չենք խոսում, կամ խոսում ենք անանուն»։ Վախենում են, որ հնարավոր է կորցնեն 22 տարի անց ստացած բնակարանները։ Ճաքեր կան, բայց «դոմիկից հո լավ ա»։ Աշխղեկի խոսքով` «եթե հազարն էլ շահագործեինք, հազարում էլ կլինեին ճաքեր, որպեսզի ճաքեր չլինեին, չպետք է շտապեցնեին, իսկ մեզ շտապեցրել են եւ խնդրել աշխատել սեղմ ժամկետներում»։
Սպիտակի փոխքաղաքապետ Անահիտ Գյուլազյանը խնդրին տեղյակ է, բայց կարծում է, որ Սպիտակում, ի տարբերություն Գյումրիի, կազմակերպությունն աշխատել է առավել բարեխիղճ. «Նկատելի թերություններ չկան, մեկում, օրինակ, գազի պլիտայի կափույրներն էին հանված, որը վերականգնվել է, մի տան մեջ ջուր չկա, դա էլ խոստացել են 3 օրվա մեջ կարգավորել, մի տանն էլ դուռն էր թարս տեղադրված, դա էլ կարգավորվեց»։ «Գլենդել Հիլզն» ունի աշխատանքային խումբ, որին նման իրավիճակներում դիմում են բնակիչները, եւ դրանք արագ վերացվում են։
Կարծիքներ