Ալինա Կաբաևան կգլխավորի «Ազգային մեդիա խմբեր» հոլդինգի տնօրենների խորհուրդը (լուսանկարներ)
Գեղարվեստական մարմնամարզության գծով օլիմպիական չեմպիոնուհի, ՌԴ Պետդումայի պատգամավոր Ալինա Կաբաևան կգլխավորի «Ազգային մեդիա խմբեր» հոլդինգի տնօրենների խորհուրդը, տեղեկացրել է այդ կազմակերպության մամուլի ծառայությունը:
«Ալինա Մարատի Կաբաևան, ով 6 տարի է արդեն գլխավորում է «Ազգային մեդիա խմբեր» հոլդինգի հասարակական խորհուրդը, ընդունել է առաջարկը՝ զբաղեցնել տնօրենների խորհրդի նախագահի պաշտոնը»,- ասվում է Կաբաևայի ներկայացուցչի հայտարարության մեջ, գրում է ИТАР-ТАСС-ը:
Ավելի վաղ հայտնի էր դարձել, որ կաբաևան ՌԴ Պետդումայի պատգամավորի մանդատից հրաժարվելու դիմում է ներկայացրել:
ՌԴ խորհրդարանը Կաբաևայի դիմումին կանդրադառնա աշնանային նստաշրջանի առաջին նիստում, որը տեղի կունենա այսօր՝ սեպտեմբերի 16-ին:
Կարծիքներ