Եթե նախկինում Անին մենակ էր միտինգ անում, այսօր ամուսինը ևս ավելացել է…

Անի Զախարյանի հանրահավաքը մի շատ կարևոր բան բացահայտեց:

Ո՛չ սահմանադրական բարեփոխումներին, բայց այո՛ ընտանեկան բարեփոխումներին:

Փոխելով ընտանեկան վիճակը և զույգավորվելով, Անին փաստացի ձեռք է բերել իրեն գաղափարակից ընկեր, ով կարող է ակտիվացնել իր քաղաքական գործունեությունը: Իզուր չէր ժամանակին այս հանգամանքը հաշվի առել ու մարգարեացել.

«Ցանկացած կին իր ամուր ընտանիքի հենքի վրա իր քաղաքական գործունեությունը շատ ավելի ակտիվ եւ պրոդուկտիվ է կարողանում իրականացնել: Անձնական կյանքում իմ այս ձեռքբերումը ինձ քաղաքական եւ ազգային նոր ձեռքբերումների կմղի»:

Կմղի, որովհետև ինչպես Անին էր ասում.

«Ամուսնությունը կարող է ավելի խթանող ուժ հանդիսանալ ավելի ակտիվ գործելու, քանի որ երբ կնոջ անձնական կյանքում ամեն ինչ լավ է, նա երջանիկ է իրեն զգում, դա արդեն խթան է և անդրադառնում է գործնական կյանքի զարգացման և հաջողությունների վրա»:

Դատելով երեկվա «բազմահազարանոց միտինգից», կարելի է եզրակացնել, որ Անին հասել է քաղաքական իր գագաթնակետին. եթե նախկինում մենակ էր միտինգ անում, այսօր ամուսինը ևս ավելացել է…

Լրագրողներն անմահացնում էին այդ պահը:

Հասմիկ Բաբաջանյան