Խուզից հետո «շուշաթրաշ են անելու»
Տեսե՞լ եք՝ ոչխարին ոնց են խուզում: Երբ մկրատի տակից դուրս են գալիս, փորիցդ բռնի ու ծիծաղի:
Պատկերացնում եմ, թե մեր խուզված վիճակի վրա ո՜նց են քրքջում մեզ խուզողները:
Բայց վերջերս մեզ խուզողները «աչքս մտան»: Առավել ևս մեր վարչապետը, որ որոշել է ստանդարտ, բոլորին «չլդրախուզի»:
Պարզվում է, որ մենք դեռ կարգին գանգուրներ, ոսկե գեղմ ունենք ու աշնանային նստաշրջանի առաջին իսկ քառօրյայի օրակարգում «նոր արտոնագրային խուզ է նախատեսվում»: Խուզի առավելությունն այն է, որ մորեմերկ են դարձնում, բացում են մաշկը, որ մաշկի վրա զգանք խուզի քնքշությունը՝ զեփյուռի, հովի կամ հովիկի տեսքով:
Խուզման տակ են ընկնում կոշկակարները, դերձակները, գլխարկագործները, գորգագործները, հյուսները, կահույքագործները, բիժուտերիա պատրաստողները… բոլորը, բոլորը… անգամ թամադաները:
Խուզից հետո եթե մեկի վրա մի փոքրիկ բուրդ կամ մազիկ մնաց, «ածելի են քաշելու ու շուշաթրաշ անեն»: Հունվարի 1-ից հետո բոլորս պիտի լինենք ողորկ…
Հասմիկ Բաբաջանյան
Կարծիքներ