«Հայկական ժամանակ». Սամվել Բաբայանը Հայաստան ոտք չի դրել. չի էլ գա

«Հայկական ժամանակ» թերթը գրում է. «Սամվել Բաբայանը օրերս Հայաստան ոտք չի դրել»,- երեկ մեր թղթակցի հետ զրույցում վստահեցրել է Բաբայանի հարազատներից մեկը՝ արձագանքելով մամուլում տեղ գտած այն տեղեկությանը, թե Սամվել Բաբայանը Հայաստան է վերադարձել։

Բաբայանի դուստրը՝ Աննա Բաբայանն էլ ֆեյսբուքյան իր էջում երեկ արձագանքել է վերոնշյալ հրապարակման հաջորդ օրը կայքերից մեկում տեղ գտած տեղեկությանը, թե Բաբայանը Հյուսիսային պողոտայում գտնվող «Նորթ ավենյու» հյուրանոցում հանդիպել է Վարդան Օսկանյանի հետ։ «Նրանք մոտավորապես մեկուկես ժամ զրուցել են։ Ամենայն հավանականությամբ խոսքը գնացել է Վարդան Օսկանյանի նոր կուսակցությանը Սամվել Բաբայանի միանալու, նրա դերակատարության շուրջ»,– գրել էր կայքը։ «)))))))... Լավ էլի... էլ ի՞նչ»,– սույն հրապարակմանն այսպես էր արձագանքել Բաբայանի դուստրը։ Բաբայանը շարունակում է գտնվել ՌԴ-ում»:

Մանրամասները՝ թերթի այսօրվա համարում