Հավանական է, որ լինի ծանր ու արյունահեղ պատերազմ. Մաքսիմ Շևչենկո
«Երեսուն տարվա պատերազմի ընթացքում երկու կողմն էլ ամուր պաշտպանական համակարգեր են ստեղծել: Չի կարելի սպասել, թե տարածքների լուրջ թափանցում հնարավոր յլինի: Ավելի շատ հավանական է, որ ծանր ու արյունաքամ անող դիրքային պատերազմ լինի Հայաստանի եւ Ադրբեջանի միջեւ, հրետանային «մենամարտերով», դիվերսիոն ներթափանցման փորձերով: Կլինեն նաեւ բազմաթիվ զոհեր երկու կողմերում էլ»,- հայտարարել է ռուս հաղորդավար լրագրող Մաքսիմ Շեւչենկոն «haqqin.az»-ին մեկնաբանելով ԼՂ հակամարտության գոտում հնարավոր սրացման մասին հարցը:
Վերջինս գտնում է, որ Ղարաբաղյան հակամարտությունը պետք է դիտարկել մեծ քաղաքականության համատեքստում: «Կովկասը բացառիկ կարեւորություն ունի գեոպոլիտիկ առումով: Այն ըստ էության դարպասներն է մի կողմից Փոքր Ասիայի, մյուս կողմից` Մերձավոր Արեւելքի: Մյուս կողմից, Ամերիկայի վերջնագրերը Թեհրանին եւ նոր սանկցիաները, իրանական էլիտար գվարդիաների ներառումը ահաբեկչական խմբավորումների ցանկում: Այս ամբողջը ապակայունացնող գործոններ են հանդիսանում ռեիգոնում»:
Ուշագրավն այն է, որ Շեւչենկոն Ամերիկայի հակա-իրանական քաղաքականությունը կապում է ԼՂ հակամարտության հնարավոր սրացման հետ, թեեւ նաեւ նշում է, որ Թրամփը Թեհրանին կպատժի եւ դրանում կօգտագործի Վրաստանը որպես իր պլացդարմ, որտեղից նույնիսկ հնարավոր է ավիահարվածներ հասցվեն Իրանին ամերիկյան ավիացիայի կողմից: Մաքսիմ Շեւչենկոն նաեւ կարծում է, որ եթե լայնամասշտաբ պատերազմ լինի Ղարաբաղյան ճակատում, ապա հնարավոր է Ռուսաստանը ռազմական միջանցք բացի Վրաստանի տարածքում` իր ռազմավարական դաշնակցին` Երեւանին աջակցելու համար, եթե իհարկե Երեւանը դիմի նրան դրա համար, թեեւ այդ կարգի սրում կարելի է կանխատեսել միայն այն դեպքում, երբ ընդհանուր գեոպոլիտիկ մթնոլորտը փոփոխվի:
Կարծիքներ