«Աստղային պատերա՞զմ»․ Ռոտարուն չի շփվում Վայկուլեի հետ
ԽՍՀՄ ժողովրդական արտիստուհի, ուկրաինացի երգչուհի Սոֆյա Ռոտարուի նախկին տնօրեն, պրոդյուսեր Սերգեյ Լավրովը պատմել է, որ երգչուհին միտումնավոր անտեսում է ռուսական էստրադային մյուս հայտնի երգչուհուն՝ Լայմա Վայկուլեին։
«Ռոտարուն պարզապես չի ցանկանում խոսել նրա հետ, ուստի չի պատասխանում Լայմայի հեռախոսազանգերին: Վայկուլեն երկար լեզու ունի։ Եթե նրան ինչ-որ բան ասեն, դա անմիջապես հայտնի է դառնում բոլորին»,- Լավրովի խոսքերը մեջբերում է mk.ru-ն։
Պրոդյուսերի խոսքով՝ Ռոտարուն խուսափում է իր անվան հետ կապված սկանդալներից, ինչի պատճառով էլ նախընտրում է կապի մեջ չգտնվել նախկին ընկերուհու հետ։
«Ռոտարուն իմաստուն կին է: Նա չի ցանկանում խառնվել ամբողջ իրավիճակին։ Թող ամեն ինչ խմորվի առանց նրա, և հետո նա կհայտնվի»,- ասել է երգչուհու նախկին տնօրենը։ Նրա խոսքով՝ աստղը դադարեցրել է համերգային գործունեությունը, քանի որ ապրուստի բավարար միջոց ունի։
Ավելի վաղ, Լայմա Վայկուլեն հայտարարել է, թե Ռոտարուն անհետացել է տեսադաշտից։
«Սոֆյա Միխայլովնան ոչ մի տեղ չի անհետացել. նրա մոտ ամեն ինչ կարգին է: Մենք կապի մեջ ենք նրա հետ, նոր խոսեցինք։ Նա Գերմանիայում է»,- հավելել է արտիստուհու նախկին տնօրենը։
Կարծիքներ