Ամեն օր զբաղվում եմ սպորտով․ Պուտինը փակագծեր է բացել
Hraparak
10 Հունվար 2024 | 23:30
0
Ռուսաստանի նախագահ Վլադիմիր Պուտինն ասել է, որ ամեն օր սպորտով է զբաղվում երկու կամ երկուսուկես ժամով։
Այս մասին նա խոստովանել է հասարակության և իշխանությունների ներկայացուցիչների հետ հանդիպման ժամանակ, միջոցառումը հեռարձակվել է Կրեմլի Telegram ալիքով։
«Իհարկե, ես ամեն օր զբաղվում եմ պորտով՝ առնվազն երկու ժամ։ Դա մի քիչ շատ է տևում, քանի որ կա մարզասրահ, լողավազան, այս ամենը միասին՝ նաև ցնցուղ, երկուսուկես ժամ է տևում»,- ասել է նա։
Պուտինը նշել է, որ անհրաժեշտ է սպորտը դարձնել բոլոր ռուսների կյանքի մի մասը։
Յուրաքանչյուր մարդ պետք է ժամանակ հատկացնի սպորտին, ընդգծել է պետության ղեկավարը։
Նա սպորտն անվանել է հասարակության զարգացման կարեւորագույն սոցիալական ցուցանիշներից մեկը։
Կարծիքներ