Ռուսներին կոչ են արել չօգտվել Turkish Airlines-ի ծառայություններից
Hraparak
23 Ապրիլ 2024 | 15:00
0
ՌԴ ԱԳՆ-ն ռուսներին խորհուրդ է տվել չթռչել «Turkish Airlines» ավիաընկերության օդանավերով։
Այս մասին գրել է Brief Telegram ալիքը։
ՌԴ ԱԳՆ-ի հանձնարարականը կապված է Ռուսաստանի քաղաքացիներին Լատինական Ամերիկայի երկրներ տարանցիկ թռիչքներից հեռացնելու հետ։ Վերջին ամիսներին նման թռիչքներից հեռացվել է մի քանի հազար մարդ։
Թուրքական կողմը պնդում է, որ դրա պատճառը Լատինական Ամերիկայի երկրներում օրենսդրության խստացումն է, և իրենք դրա հետ կապ չունեն։
«Օրինակ, չեն ցանկանում օդանավ նստեցնել հղի ռուս կանանց, ովքեր մեկնում են արտասահման՝ ծննդաբերելու՝ երեխայի համար անձնագիր ստանալու նպատակով։ Բայց սա պաշտոնապես ոչ մի տեղ չի նշվում։ Թեև այլ ակնհայտ պատճառներ չկան, քանի որ Ռուսաստանի Դաշնության քաղաքացիներից Արգենտինա կամ Բրազիլիա այցելելու համար վիզա չի պահանջվում, իսկ անվճար մնալը հնարավոր է մինչև 90 օր»,- ասվում է հրապարակման մեջ։
Կարծիքներ