Նավթի համաշխարհային գների աճ է կանխատեսվել

Նավթի համաշխարհային գներն ընթացիկ տարում կավելանան 20 տոկոսով։ Նման կանխատեսում են արել Արժույթի միջազգային հիմնադրամի վերլուծաբանները Համաշխարհային տնտեսության զարգացման հեռանկարների մասին հունվարյան զեկույցում, որն արդեն հրապարակվել է։

Համաձայն այդ փաստաթղթի, արտացոլելով համաշխարհային տնտեսության վերականգնումը, նավթի գները 2021 թվականին 2020 թվականի ստորին բազային գնի համեմատ կարձանագրեն 20 տոկոսանոց գնաճ, սակայն դա կլինի դեռեւս բավականին նվազ՝ 2019 թվականի համեմատությամբ։ Հումքային մյուս ապրանքների գները նույնպես կաճեն։ Գնաճը կարագանա հատկապես մետաղների պարագայում։