Կկառուցի առաջին ստորջրյա թունելն արագընթաց գնացքների համար

Չինաստանում կկառուցվի առաջին ստորջրյա թունելը, որը նախատեսված կլինի արագընթաց գնացքների համար։ Այն կկապի իրար Չժեծյան նահանգի երկու քաղաքներ։ Այս մասին հայտնում է «Ռեգնում» լրատվական գործակալությունը։ Նինբոքաղաքը կղզային Չժոուշան քաղաքի հետ կապող երկաթուղային նախագիծը նախատեսում է 70,92 կմ-անոց երկաթուղի կառուցել, որից 16,2 կմ-ը կլինի ջրի տակ։ Նախագծի կյանքի կոչման դեպքում, երկու քաղաքների միջեւ կապը կապահովվի կես ժամում, 1,5 ժամի փոխարեն։ Նշենք, որ ներկայումս Չինաստանի արագընթաց երկաթուղին կազմում է 25 հազար կմ։ Համաշխարհային մակարդակով, Չինաստանին են բաժին ընկնում արագընթաց երկաթուղիների 60 տոկոսը։