«Գևորգյան Գեղամ, Դուք ակադեմիկո՞ս եք, թե՞ շահախարդախ»

Կարեն Հեքիմյանը ֆեյսբուքյան իր էջում գրել է.

«Երբ ժամանակին մամուլում տեղեկություն տարածվեց, որ ԵՊՀ ռեկտորի նախկին ժ.պ. Գևորգյան Գեղամն ակադեմիկոսի կոչում է ստացել ՀՀ ԳԱԱ-ին թվով 12 հատ ГАЗ 3110 «նվիրելուց» հետո, ես չհավատացի:

Երբ նույն անձը ԵՊՀ-ում «փակեց» «Հրապարակ» օրաթերթը և մեղքը բարդեց գրադարանի տնօրենի վրա, ես կրկին չհավատացի:

Այսպիսի օրինակներ կարող եմ տասնյակներով բերել՝ էվոկաբանկից սկսած, նոութբուք «տանելու» անհաջող փորձից և կեղծ սնանկությունից վերջացած: Անշուշտ, ոչ բոլոր պատմություններն ուղիղ կապ ունեն, սակայն դրանք ուղիղ նույնականացվում են սույն հրապարակման հերոսի հետ:
Ինձ միշտ մտատանջում էր նույն հարցը՝ ՆԱ ակադեմիկո՞ս է, թե՞ շահախարդախ: 
Այժմ Գևորգյան Գեղամն ընկել է հերթական մութ պատմության մեջ: Ուրեմն, պատկերված նկարները նույն գործի մասին են (ԵԴ/ 13566/02/20): Նրանցից մեկից հասկացվում է, որ 2021թ հուլիսի 20-ին գործով վճիռը մտել է օրինական ուժի մեջ, իսկ մյուսից երևում է, որ այն 2021թ հուլիսի 23-ին բողոքարկվել է վճռաբեկ դատարան: Ստացվում է, որ վճիռն օրինական ուժի մեջ մտնելուց 3 օր անց բողոքարկվում է: Նոնսենս:

Իսկ գիտե՞ք ինչու է այդպես: Որովհետև գործով պատասխանողն ակադեմիկոս Գևորգյան Գեղամն է, որի լիազորությունները դատարանը դադարեցրել է: Նա էլ «փրփուրներից է կախվում», քանզի այլ տեղերից նրան «կախվել» անգամ չեն թողնում: 
Այն, որ հուլիսի 23-ին բողոքելու ժամկետն անցել է Գևորգյան Գեղամը գիտի:

Այն, որ բողոքը, մինչև դատարան հանձնելը, պետք է հասցեագրվի դատավարության բոլոր կողմերին Գևորգյան Գեղամը ևս գիտի:
Սա վերջինիս վերջին շահախարդախությունն է: Նպատակը՝ ևս մի քանի օր ԵՊՀ ռեկտորի առանձնասենյակը զբաղեցնելն է:

Փաստորեն, թվով 12 հատ ГАЗ 3110-ին, «Հրապարակ» օրաթերթին, Էվոկաբանկին, նոութբուքին, սնանկությանը և չափից ավելի շատ շահախարդախություններին գումարվեց դատական շահախարդախությունը: 

Հիմա, ինչպե՞ս չասեմ. Գևորգյան Գեղամ, Դուք ակադեմիկո՞ս եք, թե՞ շահախարդախ»: