Ալրաղացի Լյովիկը դիմում էր ուղարկել դատարան՝ խնդրելով իրեն ազատ արձակել
Երեւանի ընդհանուր իրավասության դատարանի Կենտրոնի նստավայրում դատավոր Տաթևիկ Գրիգորյանի նախագահությամբ այսօր մեկնարկել է ԱԺ նախկին պատգամավոր Լեւոն Սարգսյանի` Ալրաղացի Լյովիկի գործի դատաքննությունը։
Նիստին կալանքի տակ գտնվող ամբաստանյալը չէր ներկայացել, նա դիմում էր ուղարկել դատարան` նշելով, որ առանց իր ներկայության անցկացնեն նիստը։ Նաեւ ասել էր, որ խնդրում է դատարանին փոխել իր խափանման միջոց կալանավորումը։
Նիստին քննարկվեց խափանման միջոցի հարցը, նախաքննական կողմը նշել էր, որ ազատության մեջ գտնվելով Լ.Սարգսյանը կարող է խոչընդոտել գործի քննությանը։
Մեղադրողը եւս նշեց, որ ընտրված խափանման միջոցը պետք է թողնել անփոփոխ։
Պաշտպաններից Աշոտ Սարգսյանը նշեց, որ 4 ցուցմունք է եղել իր պաշտպանյալի դեմ, որից ոմանք հրաժարվել են։
Նա նաեւ նշեց, որ նրան կալանքի տալ պահելու հիմքերը չկան։
Պաշտպանական կողմը նաեւ միջնորդեց գրավ կիրառել` չափը թողնելով դատարանի հայեցողությանը։
Լևոն Հրաչյայի Սարգսյանին մեղադրանք է առաջադրվել այն բանի համար, որ նա մասնակցելով ՀՀ քաղաքացիներ Արա Կարապետյանի և Արմեն Նիկողոսյանի ստեղծած հանցավոր համագործակցությանը, առանձնապես խոշոր չափերով գույք հափշտակելու նպատակով պատվիրել և ղեկավարել է կազմակերպված խմբի կողմից 2008 թվականի հոտկեմբերի 27-ին ՀՀ ԿԱ մասքային պետական կոմիտեի նախկին նախագահ Արմեն Ավետիսյանին պատկանող, Երևան քաղաքի Իսահակյան փողոցի թիվ 34 «բ» հասցեում գտնվող առանձնատան վրա ավազակային հարձակման կատարումը:
Կարծիքներ