Մանրամասները կարող են պետական գաղտնիք լինել, որոնք մեր պետությանն ու պետականությանը կվնասեն

Մենք տեղի ունեցողը համարել ենք միակողմանի զիջումներ և պաշտոնապես հայտարարել ենք, որ այդ բանակցություններին, գործընթացին այլևս չենք մասնակցելու։Ներողություն եմ խնդրում, մանրամասների մասին չեմ ուզում բարձրաձայնել, կարող են լինել պետական գաղտնիքներ, որոնք մեր պետությանն ու պետականությանը կվնասեն: Այս մասին այսօր Նոյեմբերյանում հայտարարել է Նոյեմբերյանի փոխքաղաքապետ Մհեր Աղամյանը։

«Այո, երեկ հանդիպում է տեղի ունեցել կառավարությունում փոխվարչապետ Մհեր Գրիգորյանի հետ և այն առաջարկները,  գործողությունները, որոնք ներկայացվել են, մենք համարել ենք, որ դրանք սպառնում են կոնկրետ առաջին հերթին Նոյեմբերյան համայնքի անվտանգությանը, լրացուցիչ խնդիրներ են ստեղծելու, ընդհանուր առմամբ՝ Հայաստանի Հանրապետությանը»,- ասել է նա: