«2021 թվականի պետական բյուջեով պարգևատրումների համար նախատեսված է 18 միլիարդ 825 միլիոն դրամ՝ չհաշված քաղծառայողների համար նախատեսվածը, իսկ այս ցուցանիշը 21 և ավելի տոկոսով գերազանցում է նախորդ տարվանը»,- այս մասին 2021 թվականի բյուջեի նախագծի քննարկման ժամանակ, դիմելով նախագիծը ներկայացնող Ֆինանսների նախարար Ատոմ Ջանջուղազյանին, ասաց «Լուսավոր Հայաստան» խմբակցության պատգամավոր Արկադի Խաչատրյանը։
Ի պատասխան` ֆինանսների նախարար Ատոմ Ջանուղազյանն անհասկանալի պատասխան տվեց, թե արդյոք չեն ցանկանում վերանայել այս հարցը: Նա նույն կերպ` անհասկանալի և բարդ ստորադասական նախադասություններով պատասխան տվեց նաև միջանցքում` լրագրողների հետ զրույցում, որից հասկացանք միայն այն, որ կառավարությունը նույնիսկ այս իրավիճակում և այսքան քննադատություններից հետո մտադիր չէ հրաժարվել այդքան բաղձալի պարգևավճարներից:
Մանրամասն՝ տեսանյութում
