Շատ խառը վիճակ է․ Ոսկեպարի ղեկավարը միացել է կիրանցիներին

Ոսկեպարի վարչական ղեկավար Իշխան Աղբալյանը «Հրապարակին» տեղեկացրեց, որ այս պահին գտնվում է Կիրանց գյուղում։

«Հիմա խառը վիճակ է՝ ճանապարհ են փակել։ Երեկվա հայտարարությունն ենք քննարկել՝ համաձայն չենք»,-ասաց Աղբալյանը։

Նա նշեց, որ իրավիճակը շատ խառն է։ Վերջինս չկարողացավ մանրամասնել, թե որ գյուղերից են մարդիկ հավաքվել, սակայն մի բան հստակ է՝ բնակիչներին զայրացրել է նորությունն այն մասին, որ ադրբեջանցիները տեղակայվելու են իրենց տների մոտակայքում։

Հիշեցնենք, որ դեռևս երեկ գիշերը՝ Բաղանիսի ու Կիրանցի բնակիչները փակել էին ճանապարհը՝ պահանջելով չեղարկել Ադրբեջանի և Հայաստանի սահմանազատման հանձնաժողովների կողմից ընդունված նախնական համաձայնությունը։