Ֆաշիստական համակենտրոնացման ճամբարի նախկին պահակը կկանգնի դատարանի առաջ 

Ֆաշիստական Զաքսենհաուզեն ճամբարի նախկին պահակը, որն արդեն հարյուր տարեկան է, կկանգնի դատարանի առաջ։ Նշենք, որ այդ ճամբարում զոհվել է քսան հազար մարդ։ Այս մասին հայտնում է Welt պարբերականը։ Ըստ պարբերականի հաղորդման, դատաքննությունը սկսվելու է այս տարվա հոկտեմբերին։

Ամբաստանյալի աթոռին հայտնված հարյուրամյա ծերունին համակենտրոնացման ճամբարում աշխատել է որպես պահակ 1942-45 թթ։ Դատարանի նախագահ Ֆրանկ Շտարկը մանրամասնել է, որ ծերունին կմասնակցի դատաքննությանը 2-2,5 ժամ։ Մեղադրյալի անունը եւ կոնկրետ մեղադրական եզրակացությունը չի բարձրաձայնվում։ Զաքսենհաուզենում, որը գտնվում է Բեռլինից դեպի հյուսիս, ընդհանուր առմամբ, ողջ գոյության ընթացքում, պահվել է մոտ 200 հազար մարդ։