Գյումրեցի ծանրորդը հռչակվեց Եվրոպայի չեմպիոն՝ գերազանցելով երկու թուրք մարզիկներին
Լեհաստանում ընթացող ծանրամարտի Եվրոպայի պատանեկան առաջնությունում հաղթող է դարձել Հայաստանի ներկայացուցիչ, Գյումրիի ՄԲՎԴ (Մարզական բարձրագույն վարպետության դպրոց) սան Ռաֆիկ Մինասյանը:
61 կգ քաշային կարգում Ռաֆիկը գերազանցել է երկու թուրք մարզիկների: Պոկում վարժությունում նա 114 կգ արդյունքով զբաղեցրել է 2-րդ հորիզոնականը, իսկ հրում վարժությունում 9 կիլոգրամով գերազանցել է թուրք մարզիկին և գրանցել 144 կգ արդյունք։ Այս արդյունքը բավարար է եղել երկամարտի հաշվարկով չեմպիոն դառնալու համար: Երրորդ անգամ ծանրաձողին մոտենալու անհրաժեշտություն այլևս չի եղել:
Երկամարտում Ռաֆիկ Մինասյանը գրանցել է 258 կգ արդյունք:
Կարծիքներ