Քրեական պատիժ՝ Ադրբեջանի բանակի մասին տվյալներ տարածելու համար
Ադրբեջանում քրեական պատասխանատվություն է սահմանվել երկրի զինված ուժերի անձնակազմի, ռազմական զենքի, զինամթերքի կամ ռազմական տեխնիկայի տեղաշարժի կամ տեղակայման մասին տեղեկությունների տարածման համար։
Սա արտացոլված է 284-2 նոր հոդվածում, որն առաջարկվում է լրացնել Քրեական օրենսգրքում և քննարկվել է Միլլի Մեջլիսի այսօրվա նիստում։
Նախագծի համաձայն՝ եթե Ադրբեջանի զինված ուժերի անձնակազմի, ռազմական զենքի, զինամթերքի կամ ռազմական տեխնիկայի տեղաշարժի կամ տեղակայման մասին տեղեկատվությունը տարածվում է պատերազմական կամ մարտական պայմաններում, ապա այն պատժվում է ազատազրկմամբ՝ 3-ից 6 տարի ժամկետով։
Եթե նույն գործողությունները հանգեցնում են ծանր հետևանքների, ապա պատիժը նախատեսում է ազատազրկում՝ 5-ից 8 տարի ժամկետով։
Միաժամանակ, նշվում է, որ 284-2 հոդվածը չի տարածվում Ադրբեջանի զինված ուժերի անձնակազմի, ռազմական զենքի, զինամթերքի կամ ռազմական տեխնիկայի տեղաշարժի կամ տեղակայման մասին պետական մարմինների (կառույցների) կողմից հանրությանը տրամադրված տեղեկատվության տարածման դեպքերի վրա։
Նախագիծը դրվել է քվեարկության եւ ընդունվել երրորդ ընթերցմամբ։
Կարծիքներ