«Ну-ка, все вместе!» նախագծի հաղթող է դարձել 28-ամյա հայուհի Սյուզաննա Մելքոնյանը

Ռուսական «Ну-ка, все вместе!» նախագծի 3-րդ սեզոնի հաղթող է դարձել 28-ամյա հայուհի Սյուզաննա Մելքոնյանը՝ Երևանից։ Երգչուհին որպես մրցանակ ստացել է 1 մլն ռուբլի, ինչպես նաև նրան հնարավորություն կընձեռվի ձայնագրել սեփական երգը լավագույն ստուդիայում, որն այնուհետև կհեռարձակվի հայտնի ռադիոկայանում։

«Այո, ես հաղթել եմ, սիրում եմ ձեզ»,- իր էջում գրել է երգչուհին։

Նշենք, որ իր առաջին ելույթի ժամանակ Սյուզաննան ստացել էր 100 ձայնից 99-ը։ Նա կատարել էր Roxette խմբի It must have been love ստեղծագործությունը, որով իր պաշտոնական էջում կիսվել էր խումբը։