Բայդենը հեռախոսազրույց է խնդրել Մակրոնի հետ
ԱՄՆ նախագահ Ջո Բայդենը խնդրել է մոտ օրերս հեռախոսազրույց կազմակերպել Ֆրանսիայի առաջնորդ Էմանուել Մակրոնի հետ: Այս մասին «ՌԻԱ Նովոստիի» փոխանցմամբ՝ BFMTV հեռուստաալիքի եթերում հայտարարել է Ֆրանսիայի կառավարության պաշտոնական ներկայացուցիչ Գաբրիել Ատալը:
«Նախագահ Բայդենը խնդրեց խոսել Հանրապետության նախագահի հետ: Նախագահ Մակրոնի և նախագահ Բայդենի միջև հեռախոսազրույցը կկայանա մոտ օրերս», – ասել է Ատալը։
Նշենք, որ Մեծ Բրիտանիայի վարչապետ Բորիս Ջոնսոնը, Ամերիկայի առաջնորդ Ջո Բայդենը և Ավստրալիայի վարչապետ Սքոթ Մորիսոնը այս շաբաթ հայտարարեցին պաշտպանության և անվտանգության AUKUS նոր գործընկերության ձևավորման մասին: Ավստրալիան այնուհետ խզեց 56 միլիարդ եվրո արժողությամբ սուզանավերի համաձայնագիրը Ֆրանսիայի հետ: Ֆրանսիացիները հետ են կանչել իրենց դեսպաններին ԱՄՆ -ից և Ավստրալիայից:
Կարծիքներ