Նյու Յորքը, Ֆիլադելֆիան եւ Սան Ֆրանցիսկոն դատի են տվել Պենտագոնին

Ամերիկյան երեք խոշորագույն քաղաքներ Ֆիլադելֆիան, Նյու Յորքը եւ Սան Ֆրանցիսկոն դատի են տվել ԱՄՆ Պաշտպանության նախարարությանը: Այս մասին հայտնում է Associated Press լրատվական գործակալությունը: Ըստ հայցի, երեք քաղաքների ղեկավարները կարծում են, որ ռազմական գերատեսչությունը հարկ չի համարել իրազեկել իր նախկին աշխատակիցներին, որ աշխատանքի համար ոչ պիտանի ճանաչվելուց հետո նրանք այլեւս չեն կարող զենք կրել: Այս թերացման հետեւանքով էլ Պենտագոնի նախկին աշխատակիցների մասնակցությամբ արձանագրվում են սպանության դեպքեր, ինչպես դա եղավ տեխասյան եկեղեցում, որտեղ զոհերի թիվը կազմում էր 26 մարդ: Նյու Յորքի քաղաքապետ Բիլ դե Բլազիոն հայտարարել է այս առնչությամբ, որ ԱՄՆ Պնախարարությունը լուրջ սխալ է թույլ տվել, որի հետեւանքով անմեղ մարդիկ են մահացել եւ զենքը թողնվել է այն մարդկանց ձեռքին, ովքեր կարող են անուղղելի վնաս հասցնել հասարակությանը: