ՀԱՊԿ անդամ երկրների նախագահները ստորագրել են հայտարարություն Սիրիայի իրադրության մասին
Մինսկում, ՀԱՊԿ անդամ երկրների նախագահների կողմից՝ անդամ երկրների հավաքական անվտանգության խորհրդի նստաշրջանում ընդունվել է Սիրիայում տիրող իրադրության մասին համատեղ հայտարարություն։ Այս մասին հայտնում է Belta.by գործակալությունը: Նշվում է, որ հայտարարության նախագիծը մշակվել է Ռուսաստանի առաջարկով: Առաջարկվում է աջակցություն՝ Սիրիայի տարածքային ամբողջականությանը, միասնականությանը եւ ինքնուրույնությանը: Ընդգծվում է, որ ՀԱՊԿ անդամ երկրները կողմ են արտահայտվում Սիրիայի տարածքում ահաբեկչական խմբավորումների արագ վերացմանն ու երկրում տեղի ունեցող զինված կոնֆլիկտի լուծմանը: Նշվում է նաև, որ արդեն ՀԱՊԿ-ում ահաբեկչական կազմակերպությունների միասնական ցուցակ են պատրաստել և ահաբեկչությունը դատապարտող հայտարարություն է ներկայացվելու:
Կարծիքներ