Ուկրաինային դիկտատուրա է պետք. փոխնախարար
![Ուկրաինային դիկտատուրա է պետք. փոխնախարար](https://hraparak.am/uploads/images/9cd37d4d81f98119400816538e5b5bd1.jpg)
Ուկրաինայի ժամանակավորապես բռնագրավված տարածքների հարցով փոխնախարար Գեորգի Տուկան համարոմ է, որ Ուկրաինայում անհրաժեշտ է դիկտատուրա հաստատել: Այդ մասին նա հայտարարել է NewsOne-ի եթերում:
Փոխնախարարի խոսքով՝ Ուկրաինայում հաստատված քաղաքական կարգը ոչ մի ընդհանուր բան չունի ժողովրդավարության հետ և չի կարող երկիրը դուրս բերել խոր ճգնաժամից: Այդ կապակցությամբ, ինչպես ասել է Տուկան, ինքը կողմ է առավել կոշտ միջոցների կիրառմանը, մասնավորապես դիկտատուրայի հաստատմանը:
«Այն ինչ ունենք մենք հիմա, խաբեություն է և ոչ թե ժողովրդավարություն: Չեմ կարծում, որ ընտրությունները, որոնք վաճառվում են, որոնք գնվում են ընտրական տեղամասերում, հետո գնվում դատարաններում և փողով վերջնականապես ձևակերպվում, կարող են մեզ համար լուսավոր ապագա լինել»,- ասել Տուկան:
Կարծիքներ