ԱՄՆ հատուկ ծառայությունները խուզարկություն կանցկացնեն Ռուսաստանի գլխավոր հյուպատոսության շենքում

ՌԴ արտաքին գործերի նախարարությունը հայտնել է, որ ամերիկյան հատուկ ծառայությունները մտադիր են սեպտեմբերի 2-ին խուզարկություն կատարել Սան Ֆրանցիսկոյում Ռուսաստանի գլխավոր հյուպատոսության շենքում, այդ թվում և դիվանագիտական հաստատության աշխատակիցների՝ նույն շենքում տեղակայված բնակարաններում: 

«Ամերիկյան հատուկ ծառայությունները հրահանգել են, որ սեպտեմբերի 2-ին մինչև ժամը 10-12-ը աշխատակիցները, նրանց ընտանիքները, նույնիսկ կրծքի երեխա ունեցողները լքեն զբաղեցրած տարածքները»,- ասվում է ԱԳՆ պաշտոնական ներկայացուցիչ Մարիա Զախարովայի՝ ուրբաթ երեկոյան հրապարակած մեկնաբանության մեջ: 

Զախարովայի խոսքով՝ տեղի ունեցողը ներխուժում է հյուպատոսական հաստատություն և աշխատակիցների բնակարաններ:

«Ընդ որում՝ դիվանագիտական գործունեությամբ զբաղված մարդկանց դուրս են վռդում շենքից, որպեսզի նրանք չխանգարեն Հետաքննությունների դաշնային բյուրոյի գործակալներին»,- նշել է Զախարովան: