Լուկաշենկոն անուն չի տա, որ հարեւանները չամաչեն
hraparak
7 Դեկտեմբեր 2010 | 20:59
0
Բելառուսի նախագահ Ալեքսանդր Լուկաշենկոն հայտարարել է, որ իրավապահները հայտնաբերել են 2010 թվականի օգոստոսին Մինսկում Ռուսաստանի դեսպանատան շենքի վրա հարձակում գործած անձանց, սակայն չի հրապարակել նրանց անունները: «Մենք հայտնբերել ենք բոլոր նրանց, ովքեր մեղավոր են, մենք ամեն ինչ գիտենք՝ ինչպես է եղել եւ ով է արել»,- ասել է նախագահը: Նրա խոսքով՝ ձերբակալված անձիք խոստովանել են իրենց մեղքը:«Մենք պարզապես լռում ենք, որպեսզի մեր հարեւաննրից ոմանք չամաչեն»,- հանցագործների անձը չհրապարակելու վերաբերյալ նշել է Բելառուսի նախագահը: Հիշեցնենք, որ ընթացիկ տարվա օգոսոսի 31-ի գիշերը անհայտ անձիք Մինսկում ՌԴ-ի դեսպանատան շենքի ուղղությամբ այրվող հեղուկներով լի շշեր էին նետել, որոնց արդյունքում դեսպանատան տարածքում գտնվող մեքենաներից մեկն այրվել էր:
Ռուսաստանի արտաքին գործերի նախարարությունը պահանջել էր հատնաբերել եւ պատժել մեղավորներին: Իսկ Բելառուսի նախագահը ենթադրել էր, թե հարձակումը կարող է կազմակերպված լինել ռուսների կողմից՝ երկու երկրների միջեւ հարաբերություններն ավելի սրելու համար: Նշենք, որ այդ օրերին ռուսական լրատվամիջոցներում Լուկաշենկոյի դեմ բազմաթիվ հոդածներ էին տպագրվում, ինչը Բելառուսի նախագահը գնահատում էր որպես Կրեմլի պատվեր:
Կարծիքներ