Մեր պայքարը չի նշանակում, որ եթե Սերժ Սարգսյանը ինֆարկտ ստանա՝ մենք ենք մեղավոր. հացադուլավոր ազատամարտիկ
![Մեր պայքարը չի նշանակում, որ եթե Սերժ Սարգսյանը ինֆարկտ ստանա՝ մենք ենք մեղավոր. հացադուլավոր ազատամարտիկ](https://hraparak.am/uploads/images/e2bcb51b1f2c9ee6ecbf5d92840c83a9.jpg)
Մարդու իրավունքների պաշտպանի գրասենյակի առջև մի աթոռ է տեղադրված, որը ազատամարտիկ Խաչիկ Ավետիսյանը տնից է բերել: Իր խոստմանը համաձայն ազատամարտիկը հացադուլը շարունակում է` ի պաշտպանություն 18 քաղբանտարկյալների:
Ավետիսյանը չի ցանակնում այլևս խոսել կենցաղային հարցերի մասին. «Հոգնել եմ հետևյալ հարցերից՝ կդիմանաք սովին, ով է ձեզ միանալու: Սովից չեմ մեռնի վստահ եղեք: Ի՞նչ կարևոր է, թե ով է միանալու ինձ, պետք է միանան այն մարդիկ ովքեր իրենց փորը կշատցնելու, բիզնեսը ծաղկացնելու մասին չեն մտածում: Բոլորս էլ ունենք ընտանիքներ, երեխաներ, բայց դա չի նշանակում, որ պետք լինենք էգոիստ ու միայն մեր մասին մտածենք: Կարևորը՝ պայքարելու եմ մինչև տղաներին ազատեն»:
Հիշեցնենք, որ ազատամարտիկները խոստացել էին, որ ապրիլի 25-ից կմիանան Խաչիկ Ավետիսյանի հացադուլին, սակայն այսօր մեր այցելության ժամանակ Խաչիկ Ավետիսյանը միայնակ էր ՄԻՊ-առաջ:
«Այլևս տուն չեմ գնալու, վերչջացան Ցեղասպանության միջոցառումները, ես իմ պայքարը կշարունակեմ արդեն բաց, ժողովրդի առջև: Համբերության բաժակը լցվել է, Շանթի և ընկերների, Վոլոդյա Ավետիսյանի ձերբակալության ժամանակ մենք ընտրել էինք կուսակցությունների հետ համագործակցելը և պայքարելը: Այդ պայքարից մենք հույս ունեինք, բայց հերթական անգամ հիասթափվեցինք,- ասաց ազատամարտիկը:
Նա վստահ է՝ ինչպես Շանթ Հարությունյանի և ընկերների, Վոլոդյա Ավետիսյանի դեպքում նրանց դատապարտեցին ազատազրկման, այդպես էլ Ժիրայր Սեֆիլյանի և ընկերների դեպքում է լինելու: «Երկու ամսից երբ ավարտվի նախնական կալանքի ժամանակը, վստահ եմ, նրանց էլ 4-6 տարի կդատապարտեն: Սա է լինելու, այլ քայլ իշխանություններից չեմ սպասում»,- ասաց Ավետիսյանը:
Ազատամարտիկը չի վախենում, որ մի օր էլ իրեն իր պայքարի համար կձերբակալեն: «Իշխանություններից ամեն ինչ սպասում եմ, դրա համար էլ ասում եմ՝ տղաներին ազատության մեջ տեսնելուց հետո, մեր երկրորդ քայլը պետք է լինի իշխանություններին հեռացնելը, բայց դա չի նշանակում, որ եթե Սեժը ինֆարկտ ստանա մենք ենք մեղավոր լինելու»,- ասաց ազատամարտիկը:
Ի դեպ շուտով հացադուլի վայրը ևս կփոխվի: Ավետիսյանը կտեղափոխվի Ազատության հրապարակ:
Կարծիքներ